كريب بالشيكولاته النوتيلا بالأيس كريم
بعد الفطار في رمضان بنبقي عايزين حاجه حلوه سريعه لذيذه جميلة عشان كده جيبتيلكم طريقة عمل كريب الشيكولاته بالايس كريم يا رب تعجبكم الطريقة و بالهنا و الشفا .
المقادير
واحد كوب دقيق
عدد اثنان معلقة كبيرة كاكاو
كوب ونصف لبن
عدد 2 بيضة
نقوم بوضع المقادير كلها مع بعض ونقلبهم بالمضرب حتي يمتزجوا سويا ثم
نضعهم في الثلاجه لمده ثلث ساعه .
نسخن طاسه .جيدا و يفضل ان تكون تيفال حتي لا يلتصق الخليط بها
نضع فيها قطعه سمن صغيرة جدا .
نقوم بالغرف من الخليط و نضع في الطاسه بعد تسخين الطاسة بسخونة مرتفعه جدا
و يجب تحريك اليد حركه دائرية وانتي ممسكة بالطاسه حتي تاخذ الكريب الشكل الدائري
بعد ثواني قليلة ستاخد الشكل الاحمر اقلبيها علي الوجه الثاني ( لكن بحرص حتي لا تتقطع )
ولمدة ثواني كمان و انشليها من الطاسه و ضعيها في طبق عشان تبرد وكملي باقي المقدار ( المقدار تقريبا يكفي من 7 : 8 وحدات في الطاسه الكبيرة )
نقوم بفرد واحدة كريب في الطبق
نضع كمية مناسبة من الشيكولاته
ونطبق الكريب بالشكل الموضح بالصورة
نزين بالشوكولاتة و نضع بولة أيس كريم على الوجه كما موضح
ونقدمه مع الشاي و النيسكافيه
و بالهنا و الشفا
لا تنسو التعليقات حتي نتعرف علي ارائكم